मुक्तक

मुक्तक (हिंड्दै जाँदा)

हिंड्दै जाँदा भीरमा परे के होला ?
पहाड खसी शीरमा झरे के होला ?
स्वर्ग र नर्कको गलफत्ती के गरम्
सोंच्दा-सोंच्दै पीरमा मरे के होला ?

गीत~ (फर्क है घर)

फर्क है घर परदेसी जन्मेको माटोले भन्दै छ
फर्क है आफ्नै गाउँवेसी हिँडेको बाटोले भन्दै छ
फर्क है घर परदेसी.......
-
खोरिया फाँडी बिज लगाऊ पाखुरी चलाई पाखोमा
फल्ने छ अनाज अवश्य पसिना सिंचे बाँझोमा

फर्क है घर परदेसी.......
-
श्रम र सीप खर्चिन्छौ कति दिन पराई भूमिमा
नेपाली गौरव स्वाभिमान छ भने यदि तिमीमा
फर्क है घर परदेसी ........

(*पूरानै रचना आज सम्झिने प्रयास मात्रै है*)

मुक्तक

मुक्तक

28 December · Edited

#काली तिम्रो कसम ....

त्यो नजर नझुकाकी भए मैले तिम्लाई केर्ने थिईन

चोली तुना नफुकाकी भए मैले तिम्लाई हेर्ने थिईन

ओंठ टोकी शर्माउदै लाजको घुम्टो नसर्काएकी भए

मनोमानी अङ्गालोमा मैले तिम्लाई बेर्ने थिईन ।।

28 December

#भावना

तिमी त खुशी नै छौ भन्ने सुन्छु यहाँ

दिन रात मै तिम्रो यादमा हुन्छु यहाँ

बिझाउँछ विछ्यौना निदरी आउँदैन

अतितलाई सम्झेर एकलै रुन्छु यहाँ

के गरी मन बुझाऊँ पराई भई हाल्यौ

याद तिम्रो मेटाउन तस्विर छुन्छु यहाँ

25 December

#गुनासो

भेट्न भनी बोलाएसी भेट्दा किन तर्क्या होलान् !

संका लाग्छ पक्कै अर्को हेर्न त्यता फर्क्या होलान्

रिसाउनु नि मामूली भए कुरै हुन्न थ्यो नि

यतिविधि रन्किए कि काँसे थाली झर्क्या होलान्

25 December · Edited

#भावना

गुन्गुनाउँछु पखेरुमा गाउँ वेंसीको गीत

हँसिया र डोको नाम्लो वन पाखाको प्रीत

गाई गोठालो खोली किनार भेडा बाख्रासित

वित्दछन् मेरा दिन चर्या हलो जूवा मित

25 December

#मुक्तक

तिम्लाई मन पराउँछु काली तिम्रो कसम

बनाऊ मलाई फूलको माली तिम्रो कसम

हात दिउँला साथ दिउँला चोखो माया पनि

विश्वास गर संका छैन जाली तिम्रो कसम

25 December · Edited

-

पैले जस्तो थियो नारा ऐले ठ्याक्कै उस्तै छ

सामन्ती कि सर्वहारा ऐले ठ्याक्कै उस्तै छ

कुन पार्टीको कुन नेताको विश्वास गरुँ प्रभु !

ज्यानमारा र गरिवमारा ऐले ठ्याक्कै उस्तै छ 

16 December

-

सबै बाजी जिते पनि पीरतिमा हारेंको छु

छोडि जाने निष्ठुरीको यादां आसुँ झारेको छु

कर्म दोषी कहाँ हो र नियत नै खराब हो नि

भन्न लाई त भनेकै छु दिल अन्तै सारेको छु ।।

5 December

-

अब त म हाँस्दिन शायद

झूठो नाता गाँस्दिन शायद

पापिनी तिम्रो तस्विर हेर्दै

छात्तीमा म टाँस्दिन शायद

गजल

गजल

17 December 2013 at 17:12

भनुँ कि नभनुँ खै वैंश कल्कलाका कुरा
अङ्ग अङ्ग तरङ्ग भई सल्बलाका कुरा

रात थियो हात थियो उनको मेरो बिच दूरी
वाहाना थ्यो  छोई निदमा चल्मलाका कुरा

कैले हुन्छ  कैले हुन्न भनी गन्थन गर्दै
अङ्गालोमा कसी उन्ले अल्मलाका कुरा

वात एकै मात एकै अन्तिम श्वास सङ्गै
वेहोश  भई  दुबै जना  ढल्पलाका कुरा

निरु अभागी
२ पौष २०७० 

गीत

गीत : कसम भन्छु ....

26 December 2013 at 23:32

कसम भन्छु जिन्दगी यो एक्लै जिउन गाह्रो भा`छ  
जुन मायाले धोका दियो उही माया नै प्यारो लाग्छ
कसम भन्छु जिन्दगी यो एक्लै जिउन गाह्रो भा`छ

भूल्छु भन्छु अतितका दिन आँखाभरि छाईदिन्छ
निष्ठुरीको  सम्झनाले मन  मुटु  यो खाईरहन्छ
नौनी जस्तै पग्लिने दिल पत्थर सरी साह्रो लाग्छ
जुन मायाले धोका दियो उही माया नै प्यारो लाग्छ
कसम भन्छु जिन्दगी यो एक्लै जिउन गाह्रो भा`छ

कोल्टे फेर्दै रात वित्छ दिन उन्कै फोटो  हेरी
टोलाई रन्छ आँखा पनि फर्की आउने बाटो हेरी
कसम भन्छु जिन्दगी यो जिउन एक्लै गाह्रो भा`छ
जुन मायाले धोका दियो उही माया नै प्यारो लाग्छ
कसम भन्छु जिन्दगी यो एक्लै जिउन गाह्रो भा`छ

निरु अभागी
१२ पौष २०७०