गजल

सुत्ने बेला सिरानीमा एउटा फूल भए हुन्थ्यो
दिनभरिको थकान मेट्ने मीठो भूल भए हुन्थ्यो

खोला वारी खोला पारी आँखा तरी  कति बस्नु
दुई मुटुको भेट हुने दिलको पुल भए हुन्थ्यो

छिल्लिएर शर्माउन्दै मदहोशीको काउकुतीले
रातैभरी घात गरी मन बिज्ने शूल भए हुन्थ्यो

धर्ती आकाश बिचको दूरी बराबरी  हुने गरी
यौवनको उन्मादमा मच्चिरने झुल भए हुन्थ्यो

निरु अभागी
ऐसेलुखर्क-५ खोटाङ
हाल :युएई (अल ऐन)
१३ जेष्ठ २०७०